Ѓуретановиќ одличен на ЕП во Париз, постави личен рекорд!

Македонскиот пливач Никола Ѓуретановиќ со личен рекорд го започна настапот на Европското првенство во пливање во Париз.

Ѓуретановиќ во квалификациите на 200 метри слободно исплива 1:52,39 минути, со што го подобри досегашниот најдобар резултат за 47 стотинки. Неговиот претходен рекорд изнесуваше 1:52,86.

Македонскиот репрезентативец заврши на шестото место во својата квалификациска група, а во вкупниот пласман се најде на 70. позиција од 83 натпреварувачи. Времето сепак не беше доволно за пласман во следната фаза.

За Ѓуретановиќ, сепак, европскиот шампионат продолжува. Македонскиот пливач ќе настапи и на 400 метри слободно, каде што квалификациите се закажани за в недела.