Шкендија ако биде подобра од Браво ќе патува во Шкотска или Косово!

Шкендија на денешната ждрепка во седиштето на УЕФА го доби евентуалниот противник за третото квалификациско коло во Конференциската лига.

Тетовскиот тим најпрво ќе се соочи со словенечки Браво во второто квалификациско коло, а доколку ја мине оваа пречка, во следната рунда ќе игра против победникот од дуелот меѓу Малишева од Косово и Хибернијан од Шкотска.

Првиот натпревар од двомечот со Браво Шкендија ќе го одигра на гостински терен, додека реваншот е на домашен терен. Доколку обезбеди пласман во третото квалификациско коло, ќе ја продолжи европската авантура против подобриот од пресметката меѓу Малишева и Хибернијан.

Првите натпревари од третото квалификациско коло се предвидени за 6 август, а реваншите ќе се одиграат една недела подоцна.