Италијанецот Алесио Окипинти е победник на 39. издание на Охридскиот пливачки маратон, кој денеска се одржа на патеката долга 25 километри од Свети Наум до Охрид, со учество на 16 пливачи.
Окипинти до целта стигна за 5 часа, 3 минути и 44 секунди, оставајќи го зад себе сонародникот Николо Ричарди.
На третото место заврши 17-годишниот македонски пливач Петар Цеков, кој со својот резултат стигна до вредниот бронзен медал.
Во женска конкуренција најбрза беше Аргентинката Матје Ален Пука, која на целта пристигна како четвртопласирана во генералниот пласман, со време од 5 часа, 20 минути и 46 секунди.
Leave a Reply