Силекс против Динамо Минск ќе игра во Бугарија

Екипата Силекс ќе ги одмери силите со белорускиот шампион Динамо Минск во првото квалификациско коло од Конференциската лига на УЕФА.

Првата средба меѓу двата тима е закажана за 9 јули и формално домаќин ќе биде Динамо Минск. Сепак, натпреварот нема да се игра во Белорусија, туку на неутрален терен во Бугарија. Реваншот е предвиден за една недела подоцна, на 16 јули.

Белоруските клубови и национални селекции веќе повеќе од три години не можат да ги организираат своите европски натпревари на домашен терен. Ограничувањето е во сила од март 2022 година, согласно одлуката на УЕФА.

Според правилата на европската фудбалска федерација, белоруските екипи можат да бидат домаќини само на неутрални стадиони и без присуство на гледачи.