Фудбалската федерација на Македонија денеска објави нови одлуки на Дисциплинската комисија, а меѓу санкционираните се најде и Вардар, кој ќе треба да плати парична казна.
Откако вчера од таборот на „црвено-црните“ соопштија дека клубот добил казна од 250.000 евра од УЕФА, сега следува и дополнителна финансиска санкција од домашната федерација во висина од 17.000 евра.
Според одлуката на Дисциплинската комисија, Вардар е казнет поради употреба на пиротехнички средства на натпреварот против Шкендија, одигран во рамките на 33. коло од Првата македонска фудбалска лига.
Останатите дисциплински мерки и одлуки што ги донесе комисијата ФФМ може да ги прочитате – ТУКА.
Leave a Reply