Мбапе за Олисе и Реал Мадрид: „Би било неправедно да го советувам да си замине од Баерн“

Килијан Мбапе се огласи за шпекулациите кои го поврзуваат Мајкл Олисе со трансфер во Реал Мадрид, но избегна да му даде каков било совет на својот француски репрезентативен колега.

„Ги видов шпекулациите, но мислам дека би било непочитување да советувам играч да си замине. Тоа би било неправедно кон Баерн“, изјави Мбапе за „БИЛД“.

Напаѓачот на Реал Мадрид посочи дека Баерн Минхен е одличен клуб во кој Олисе има можност да постигне многу.

„Особено затоа што Баерн е голем клуб каде што Мајкл може да постигне многу. Секако, секој клуб во светот би сакал да го има Мајкл Олисе. Тој е извонреден играч“, додаде Мбапе.

Со овие зборови, Мбапе јасно стави до знаење дека го цени квалитетот на Олисе, но не сака да влијае врз неговата одлука за иднината и евентуален трансфер.