Македонскиот вицешампион Еурофарм Пелистер ги дозна противниците во групната фаза од Европската лига на ЕХФ за сезоната 2026/27, која започнува за околу два месеци.
Битолскиот клуб на ждрепката беше меѓу носителите благодарение на националниот коефициент, а извлекувањето го смести во групата Г. „Зелените“ ќе се соочат со германскиот Гумерсбах, шпанска Ла Риоха и полскиот Гдањск, во конкуренција која носи дуели со претставници на едни од најсилните европски ракометни првенства.
Групната фаза почнува на 29 септември и ќе се игра до 2 декември.
Комплетниот состав на групите во Европската лига на ЕХФ е следниот:
Група А: Нексе (Хрватска), Елверум (Норвешка), Сен Рафаел (Франција), Хамарби (Шведска)
Група Б: Бидасоа Ирун (Шпанија), Лимож (Франција), Хафнафјердур (Исланд), Маритимо (Португалија)
Група Ц: Извиѓач (БиХ), Шафхаузен (Швајцарија), Шамбери (Франција), ЦСМ Букурешт (Романија)
Група Д: Савехоф (Шведска), Татран Прешов (Словачка), Сесвете (Хрватска), Бергишер (Германија)
Група Е: Фленсбург (Германија), Гранољерс (Шпанија), Бузау (Романија), Агуаш Санташ (Португалија)
Група Ф: Бенфика (Португалија), Карвина (Чешка), Тораловега (Шпанија), Холстебро (Данска)
Група Г: Еурофарм Пелистер (Македонија), Гумерсбах (Германија), Ла Риоха (Шпанија), Гдањск (Полска)
Група Х: Татабања (Унгарија), Валур (Исланд), Слован (Словенија), Морс-Ти (Данска).
Leave a Reply