Македонската фудбалска репрезентативка Наташа Андонова ќе има нов предизвик во кариерата, откако и официјално потпиша за швајцарски Сервет, актуелниот шампион на земјата.
Клубот ја потврди соработката со искусната македонска интернационалка, од која очекува да внесе дополнителен квалитет и лидерство во тимот. Со Сервет, Андонова во новата сезона ќе ја брани шампионската титула во Швајцарија, а ќе настапува и во Лигата на шампионите.
Минатата сезона Андонова беше дел од шпански Мадрид, а во богатата интернационална кариера настапуваше и за Ал-Шабаб, Леванте, Барселона, ПСЖ, Росенгард, Потсдам, како и за македонските Борец и Тиквешанка, клубот во кој ги направи првите фудбалски чекори.
Во дресот на македонската репрезентација Андонова досега има запишано 40 настапи и постигнато 14 голови, потврдувајќи го статусот на една од најдобрите македонски фудбалерки во историјата.
Leave a Reply