Малус и Хориха се враќаат во составот на Вардар за реваншот против Монпелје (ФОТО)

Вардар вечерва го очекува тежок предизвик против Монпелје, во реванш средбата од четвртфиналето во Европската лига на ЕХФ. Тимот предводен од Иван Чупиќ ќе биде засилен со Дмитро Хориха и Јака Малус, кои повторно се враќаат во составот.

Двајцата ракометари го пропуштија првиот натпревар во Франција, каде „црвено-црните“ доживеаја убедлив пораз од 23-33, но сега ќе се обидат да внесат свежина и квалитет во играта на Вардар во обидот за подвиг.