Најдобриот македонски атлетичар на долги патеки, Дарио Ивановски е победник на Скопскиот атлетски маратон. Тој во драматичен финиш, во последните два километри од трката го помина фаворизираниот Кениец Џулиос Кипкоеч и целта ја мина за време од 2 часа 14 минути и 50 секунди.
Ивановски маратонската делница ја помина за 2:14:50 часа. На победничкиот подиум во машката конкуренција им се придружи и Давити Харазвишили од Грузија, кој заврши на третата позиција.
Во женска конкуренција втора година по ред победи Кенијката Ирине Черуто со резултат од 2 часа, 38 минути и 31 секунда. Втора на целта пристигна Бугарката Маринела Нинева (2.45.36 часа), резултат кој и ја донесе и балаканската титула, додека третото место и припадна на Ана Јусупова од Азербејџан со време од 2:36:13 часа.
Leave a Reply