Македонската женска ракометна репрезентација вчера загуби од Унгарија со 19-29, а селекторот Кристијан Грчевски како една од главните причини за поразот ги истакна промашените зицери.
Грчевски најави дека ќе има промени во националниот тим зашто има ракометарки кои треба да се замислат дали заслужуваат да бидат во репрезентацијата.
„Одигравме одличен натпревар, посебно во првото полувреме. Во вториот дел почнавме да промашуваме чисти ситуации, не смеевме да си дозволиме такво нешто. Има ракометарки кои покажаа дека заслужуваат да бидат тука, но има и некои кои ќе треба малку да се замислат дали навистина заслужуваат да бидат во репрезентацијата или треба уште да работат да го заслужат дресот кои го носат“, кажа Грчевски.
Leave a Reply