Лазаров: Нема да калкулираме, потребна ни е победа против Гвинеја

Македонската ракометна репрезентација се подготвува за одлучувачкиот натпревар од првата фаза на Светското првенство, каде што ќе ги одмери силите со Гвинеја.

Селекторот Кире Лазаров потенцираше дека овој дуел е од клучно значење за тимот и неговите амбиции за пласман во вториот круг.

„Натпреварот со Гвинеја ни е од круцијално значење. Мораме да се мобилизираме и да го добиеме натпреварот. Нема да калкулираме воопшто, победата ни е потребна за пласман во  втор круг. Можеби сме фаворити на хартија, но со оглед дека имавме две тешки и исцрпувачки дуели, очекувам тежок натпревар“, кажа Лазаров.