Вардар доживеа пораз од Нант во драматичен и крајно неизвесен натпревар, а францускиот тим до победата го предводеше расположениот Ноам Леополд, кој беше нерешлива енигма за вардаровата одбрана.
Французинот одигра фантастичен меч и практично сам го одржуваше Нант во игра. Леополд упати 16 удари кон голот на Вардар, а дури 13 завршија во мрежата, со што убедливо беше најдобар стрелец на својот тим. Зад него беа Тарафета и Торнат со по четири гола.
Кога беше најпотребно, Леополд повторно ја презеде одговорноста. Тој го реализираше и решавачкиот седмерец на само 15 секунди до крајот, со кој Нант стигна до победата.
Неговата блескава партија не остана незабележана ниту од ЕХФ, која го избра Леополд за МВП на првото коло од Лигата на шампионите.
Leave a Reply