Луд резултат во македонскиот ракомет: Противник на Алкалоид даде само четири гола цел натпревар!

На еден натпревар од младинските ракометни лиги во Македонија беше забележан резултат каков што ретко се гледа на терените. Тимот на Алкалоид одигра убедливо против РК Шампион, дозволувајќи му на противникот да постигне само четири гола.

Пионерскиот состав на Алкалоид славеше со неверојатни 54-4 во салата „Автокоманда“, доминирајќи во сите сегменти од играта.

Иако високата разлика во голови сама по себе е впечатлива, посебно внимание привлекува скромниот учинок на РК Шампион, чии млади ракометари успеаја само четири пати да ја затресат мрежата.