Головите од денешниот хуманитарен натпревар на Осогово и Вардар (Видео)

Во Кочани денеска се одигра натпреварот помеѓу Осогово и Вардар кој имаше хуманитарен карактер и на крајот заврши со победа на гостите од Скопје со 4-1.

Средствата од овој натпревар ќе бидат донирани за жртвите од трагедијата во дискотеката „Пулс“, а исто така на натпреварот „Комити“ на аукција купија дрес за 23.000 денари, сума која исто така ќе биде донирана.

Кога е натпреварот во прашање, стрелци за прволигашкиот лидер беа Горан Закариќ, Димитар Тодоровски и двапати погоди Филип Дурански додека огодокот на Осогово беше автогол на Азер Омерагиќ.