Македонската ракометна репрезентација утре го стартува настапот на Европското првенство, а ждрепката не беше наклонета – на стартот нè очекува еден од главните фаворити, селекцијата на Данска.
Во составот на Кирил Лазаров се наоѓа и младиот Дамјан Митев, кој искрено признава дека до неодамна данските асови ги следел како идоли, а сега ќе има можност да им се спротивстави на теренот.
„Данска си е Данска, сите ја знаеме и нема што да се зборува за нив. Одиме максимално фокусирани на Португалија и Романија. Треба да се подготвиме на највисоко ниво, да одиграме како што треба. Во Данска знаеме сите кои играчи настапуваат за репрезентацијата. Тоа се играчи кои до вчера ти биле идоли, а сега треба да играш против нив, чувството е феноментално. Мора да дадеме максимум, ова е Европско првенство. Нема чување бидејќи секогаш е чест да се игра за Македонија“, изјави Митев.
Натпреварот меѓу Македонија и Данска е закажан за утре (петок) со почеток од 20:30 часот.
Leave a Reply