Легендарниот парагвајски голгетер Роке Санта Круз и на 44-годишна возраст нема намера да стави крај на богатата фудбалска кариера.
Искусниот напаѓач по настапите за Либертад во минатата сезона, реши да продолжи со активното играње и потпиша договор со екипата на Национал од Парагвај.
Санта Круз остави длабока трага и на европската сцена, каде што настапуваше за големи клубови како Баерн Минхен, Манчестер Сити и Малага, додека во последната деценија е стандарден дел од фудбалот во својата татковина.
За репрезентацијата на Парагвај одигра 112 натпревари и постигна 32 погодоци, со што се вбројува меѓу најзначајните имиња во историјата на националниот тим.
Leave a Reply