Македонскиот репрезентативец Дарко Чурлинов истакна дека националниот тим нема намера да се опушти на пријателскиот дуел со Летонија, бидејќи целта секогаш е иста, победа на секој натпревар.
Фудбалерот нагласи дека клучно ќе биде играчите целосно да се придржуваат до замислите и тактичките насоки на селекторот со цел на крајот да дојдат до посакуваниот резултат.
„За нас не постои пријателски натпревар, секој следен меч за Македонија е приоритет, атмосферата е супер, имаме шанса благодарение на селекторот да ја претставуваме Македонија на ова ниво. Се надевам дека договореното ќе го покажеме на теренот. Најважно е да влеземе како треба против Летонија, секоја победа носи самодоверба и важно е да се триумфира“, изјави Чурлинов.
Натпреварот меѓу Македонија и Летонија ќе се одигра во четврток со почеток од 18:00 часот.
Leave a Reply