Ѓорческа по голема борба го загуби финалето во Букурешт

Најдобрата македонска тенисерка, Лина Ѓорческа, не успеа да освои нов трофеј, откако беше поразена во финалето на ИТФ турнирот во Букурешт. По два часа и 35 минути жестока борба, Ѓорческа загуби од Австријката Лили Тагер со 2-1 во сетови (4-6, 6-3, 4-6).

Нашата тенисерка беше блиску до триумф, особено во решавачкиот сет, каде што двапати имаше брејк предност – најпрво со 2-0, а потоа и со 3-2. При резултат 3-3 не искористи две брејк-топки, а во десеттиот гем, кога Тагер сервираше за победа, Ѓорческа спаси три меч-топки, но четвртата беше кобна.

За Ѓорческа ова беше трето финале во низа, по оние во Куршумлијска Бања и Собосло, што е доказ за нејзината константна форма. Иако засега останува надвор од Топ 200 на ВТА-листата, веќе утре ќе оствари ново поместување нагоре на светската ранг-листа.