Позајмицата на шпанскиот офанзивен играч за врска Марко Асенсио во Астон Вила заврши, но тој нема да остане во сегашниот клуб Пари Сен Жермен.
29-годишниот се врати во француската престолнина, но тој не се вклопува во плановите на тренерот Луис Енрике и ќе треба да си најде нов клуб ова лето.
„Екип“ пренесува дека Милан покажува силен интерес за Шпанецот и дека преговорите се во напредна фаза.
ПСЖ за слободата на Асенсио бара 15 милиони евра, сума која нема да биде проблем за „росонерите“.
Алегри сака да се ослободи од Окафор и Чукуедзе и во Асенсио гледа идеално засилување за крилните позиции.
Leave a Reply