Ливерпул ја купува ѕвездата на Лион

Раководството на Ливерпул покажува сериозен интерес за крилниот напаѓач на Лион, Рајан Черки, пренесува „Екип“.

Черки е офанзивен фудбалер кој може да игра и како плејмејкер, но и по крилните позиции. Тој е продукт на школата на Лион и важи за најголем француски талент во моментов.

Лион има финансиски проблеми и ги стави сите фудбалери на продажба, па Ливерпул сака да ја искористи таквата ситуација.

Меѓутоа, конкуренцијата за потписот на 21-годишниот фудбалер е голема бидејќи интерес за него покажуваат уште ПСЖ, Милан и Јувентус.

„Црвените“ веќе работат на трансферот и се во пол-позиција за неговиот потпис.