Во Премиер лигата официјално ќе има два преодни рока

Клубовите од Премиер лигата ги договорите датумите за трансфер пазарот претстојното лето, а официјално е донесена одлука да има два преодни рока.

Првиот трансфер период ќе биде отворен помеѓу 1 и 10 јуни и ќе им овозможи на клубовите да се засилат пред почетокот на Светското клупско првенство. Англиски учесници на турнирот кој започнува на 14 јуни се Манчестер сити и Челси.

После тоа, преодниот рок повторно ќе се отвори на 16 јуни и ќе се затвори на 1 септември.

На почетокот на оваа недела, стана јасно дека некои клубови сакаат прозорецот да се затвори пред почетокот на новата сезона во Премиер лигата, која започнува на 14 август. Во спротивно, екипите од Англија ќе бидат на нерамноправна позиција.