Напаѓачот на Атлетико Мадрид, Анхел Кореа, доби суспензија од пет натпревари, објави Дисциплинската комисија на Кралската шпанска фудбалска федерација.
Причина за санкцијата се навредливите зборови што Аргентинецот му ги упати на главниот судија Гиљермо Куадра Фернандес при поразот на неговиот тим од Хетафе со 1-2 во претходното коло на Ла Лига.
Во 88. минута Кореа доби директен црвен картон поради груб прекршок. Додека го напушташе теренот, тој го навреди судијата што е заведено и во официјалниот извештај.
Подоцна, играчот се извини за своето однесување преку објава на социјалните мрежи.
Leave a Reply