Официјално: Ван Перси на клупата на Феенорд

Легендарниот холандски фудбалер Робин Ван Перси го прифати предизвикот да го води тимот на Феенорд.

За Ван Перси ова ќе биде враќање дома, затоа што тој како тинејџер, од 13-тата година дојде во школата на Феенорд, а токму таму ја започна и тренерската кариера.

„Навивачите и сите блиски до клубот знаат каква е мојата врска со Феенорд. Многу се радувам што ќе работам со оваа посебна група фудбалери и се надевам дека ќе имаме успех“, изјави Ван Перси.