Турските медиуми деновиве пренесуваат за сериозен скандал во кој, според нивните информации, е вмешан претседател на клуб од Првата македонска фудбалска лига.
Како што објавуваат „Адана Масаси“ и уште неколку медиуми, лицето со иницијали Б.Х. било приведено од турската полиција на 24 март, на патниот правец меѓу Батман и Сиирт.
При претрес на возилото, органите на редот пронашле злато со вкупна тежина од 2 килограми и 581 грам, чија вредност се проценува на околу 300.000 евра.
Против осомничениот веќе се покренати соодветни судски постапки, додека надлежните институции продолжуваат со истрагата за целиот случај.
Leave a Reply