Регионот се смее на пеналот кој ВАР го потврди за Вардар! (Фото+Видео)

Натпреварот помеѓу Вардар и Работнички (3-1) го привлече вниманието на медиумите во регионот откако „црвено-црните“ во него добија сомнителен пенал.

Спорниот момент се случи во 41. минута, кога по центаршут на играч на Вардар, топката го удри фудбалерот на Работнички. Домашните веднаш побараа најстрога казна, а арбитерот без двоумење покажа на белата точка. Она што предизвика уште поголеми реакции беше фактот што и ВАР собата ја потврди одлуката, иако на снимката не се гледаше јасен прекршок.

Од пеналот, поранешниот играч на Црвена звезда, Давид Бабунски, израмни на 1-1, откако Работнички претходно водеше со голот на Имери уште во 7. минута. Во вториот дел, Работнички остана со играч помалку по исклучувањето на Демири во 54. минута, што Вардар вешто го искористи и со головите на Кастанеда и Мата стигна до конечни 3-1.

Со оваа победа црвено-црните остануваат лидери на табелата, но впечатокот е дека најмногу ќе се памети спорниот пенал, за кој во регионот велат дека „и ВАР знае за кого работи“.

И ФФМ вика ВАР има и замисли се потврдува дека е пенал 😂😂😂
Абе ни 50 гледачи нема на трибини да имате, укинете фудбалот ебаве кретените https://t.co/POZxYAf7Qe pic.twitter.com/TU5XfPAbk7

— X (@VibeMysterio) September 21, 2025