Македонската тенисерка Лина Ѓорческа продолжува да ја пишува својата успешна приказна во Романија. Таа обезбеди пласман во полуфиналето на турнирот во Букурешт, совладувајќи ја финската претставничка Лаура Хиетаранта со убедливи 2-0 во сетови.
Ѓорческа влезе силно во мечот и уште во првиот сет ја демонстрира својата доминација. Со три брејка на сервисот на противничката, успеа да го затвори сетот со резултат 6-3 и да ја преземе контролата врз натпреварот.
Во вториот сет Хиетаранта стартуваше подобро и поведе со 2-0, но македонската тенисерка веднаш возврати со серија од три гема и направи целосен пресврт (3-2). До крајот на сетот Ѓорческа не дозволи изненадување, продолжи со агресивен и прецизен настап и го доби сетот со идентични 6-3.
Leave a Reply