Ливерпул не знае да запре, го договори и Гуехи – познати се деталите

Ливерпул и Кристал Палас постигнаа договор за трансфер на дефанзивецот Марк Гуехи во висина од 35 милиони фунти. Договорот предвидува фиксна сума, а дополнително е вклучена и клаузула со 10% од следната продажба на играчот.

Гуехи денеска во Лондон ги извршува медицинските прегледи, а доколку сè помине според планот, трансферот ќе биде официјализиран уште вечерва. Англискиот репрезентативец од почетокот на август има усогласени лични услови со „црвените“, а од самиот старт на преговорите неговата единствена желба била да се пресели на „Енфилд“.

Со ова засилување, Ливерпул ја потврдува својата стратегија за новата сезона, во која Марк Гуехи и Александар Исак треба да бидат клучни делови од планот за обновување на тимот и напад на највисоките цели.

Фото: Принтскрин