Македонскиот репрезентативец Бојан Миовски повторно ќе заигра во шкотскиот шампионат, овојпат како ново засилување на славниот Ренџерс.
Според информациите, напаѓачот денеска во Париз ги врши задолжителните лекарски прегледи, по што ќе стави крај на својата епизода во Жирона и ќе го облече дресот на клубот од Глазгов.
Ренџерс ќе плати 2,8 милиони евра на сметка на Жирона, додека уште околу пет милиони би можеле да пристигнат преку различни бонус клаузули, со што вкупниот износ на трансферот ќе достигне 7,8 милиони евра.
Миовски добро им е познат на љубителите на шкотскиот фудбал – од 2022 до 2024 година со голем успех ги бранеше боите на Абердин, пред да се пресели во Шпанија.
Leave a Reply