Интер Мајами одржа вистинска фудбалска лекција на гостувањето кај Њујорк Ред Бул, совладувајќи ги со убедливи 5-1, а повторно во центарот на вниманието беше Лионел Меси, кој со два гола во второто полувреме ја потврди доминацијата на својот тим.
По неочекуваниот и тежок пораз од Синсинати, Мајами брзо се врати на победнички пат, демонстрирајќи зрелост, карактер и напаѓачка моќ.
Домашните први се израдуваа – во 14. минута Хек го отвори резултатот за Њујорк Ред Бул. Меѓутоа, таа радост траеше кратко, бидејќи Интер Мајами веднаш возврати. Жорди Алба донесе израмнување со убав погодок, а потоа Шеговиа двапати ја затресе мрежата и донесе комотна предност од 3-1 пред паузата.
Во второто полувреме сцената му припадна на аргентинската суперѕвезда. Лионел Меси, кој сè уште игра на врвно ниво во МЛС, блесна со два прецизни погодоци, поставувајќи го конечниот резултат од 5-1. Неговиот настап уште еднаш покажа зошто е еден од најдобрите фудбалери на сите времиња.
Фото: Принтскрин
Leave a Reply