Охрид не запира: Се засили и со репрезентативец на Македонија!

Екипата на ГРК Охрид го официјализираше ангажманот на македонскиот репрезентативец Давид Савревски, кој потпиша договор на најмалку две години со охридскиот суперлигаш.

Станува збор за 22-годишен десен бек висок 195 сантиметри, кој во тимот на „гладијаторите“ доаѓа од редовите на РК Алкалоид, каде што настапуваше во последните три сезони и стекна европско искуство преку настапите во ЕХФ купот. Пред тоа, Савревски беше дел и од РК Вардар 1961.

Со овој трансфер, Охрид ги потврдува високите амбиции за наредната сезона за која доведе неколку квалитетни засилувања.