Арсенал ја доби „војната“ со Реал Мадрид – доаѓа засилување од 65 милиони евра

Шпанскиот фудбалер Мартин Зубименди го прифати трансферот во Арсенал, а договорот помеѓу двете страни е целосно постигнат уште од мај. Фудбалерот на Реал Сосиедад наскоро ќе пристигне во Лондон за да ги помине медицинските прегледи и официјално да потпише договор со премиерлигашот.

Реал Сосиедад ќе добие оштета од околу 65 милиони евра, која ќе биде исплатена во рати, како дел од преговорите. Иако се појавија гласини дека Реал Мадрид се заинтересирал за Зубименди, англискиот клуб останува целосно во контрола на ситуацијата и трансферот ќе се реализира без никакви пречки.

Арсенал го обезбеди потписот на еден од најперспективните шпански играчи за врска, кој се очекува да даде значаен придонес во средниот ред на тимот на Микел Артета.

Фото: Grok AI