Влаховиќ блиску до трансфер во Арсенал

Арсенал е во потрага по врвен напаѓач, а најголема желба на тренерот Артета е ѕвездата на Јувентус, Душан Влаховиќ.

Актуелниот договор на фудбалерот со гигантот од Торино истекува во јуни 2026 година, а двете страни се далеку од нов договор.

Преговорите одат тешко, а Влаховиќ на лето ќе влезе во последната година од договорот, па Јувентус е спремен да го продаде.

Таквата ситуација сака да ја искористи Арсенал, кој е во потрага по напаѓач, а најголема желба на Артета е токму Влаховиќ.

„Топџиите“ се спремни да платат 50 милиони евра за Србинот, колку што бара Јувентус во моментов.