Македонското ракометно класико меѓу Пелистер и Вардар, во рамките на петтото коло од плејофот во Суперлигата, ќе се одигра в четврток, на 24 април, со почеток во 18:30 часот.
Битолскиот клуб веќе потврди дека сите билети за дербито се распродадени, што само ја потврдува големата возбуда и интересот што владее за оваа средба.
Салонот „Боро Чурлевски“ ќе биде исполнет до последното место, а се очекува атмосфера за паметење – типично за натпреварите меѓу двата најголеми ривали во македонскиот ракомет.
Пелистер моментално се наоѓа на врвот на табелата со 11 освоени бодови, веднаш зад него е Вардар со 10, додека третопласираниот Алкалоид има 6 поени.
Фото: РК Пелистер
Leave a Reply