Во еден од највозбудливите плеј-ин натпревари сезонава, кошаркарите на Париз приредија вистинска сензација совладувајќи го Реал Мадрид на негов терен со резултат 81-73. Со оваа победа, францускиот тим успеа да избори пласман во плеј-оф фазата од Евролигата, додека „кралскиот клуб“ ќе мора да се обиде преку дополнителен натпревар да ја спаси сезоната.
Клучна фигура во големата победа на Париз беше македонскиот репрезентативец Ти-Џеј Шортс, кој блескаше на теренот и го водеше својот тим со импресивни 23 поени. Покрај него, значаен придонес даде и Хифи со 15 поени. На спротивната страна, најрасположен кај Реал Мадрид беше Кампацо, кој натпреварот го заврши со 17 поени.
Победата значи дека Париз ќе се соочи со турскиот гигант Фенербахче во четвртфиналната серија, каде ќе се обиде да го продолжи својот европски сон.
Фото: Принтскрин
Leave a Reply