Претседателот на Барселона, Жоан Лапорта ја обвини Ла Лига дека се обидува да го дестабилизира неговиот фудбалски клуб, откако се тврди дека немаат капацитет да ги регистрираат Дани Олмо и Пау Виктор.
Ла Лига остана на ставот дека клубот нема право на регистрација, но Барса пронајде начин и досега двајцата играчи беа регистирани и настапуваа за екипата.
Високиот спортски совет ќе ја разгледа одлуката за пријавување на двајцата играчи најдоцна до 7 април, постои можност истата да биде поништена и Дани Олмо и Пау Виктор да не можат да играат до крајот на сезоната.
„Ќе одговориме на Ла Лига! Тие ги напаѓаат нашите интереси. Тие ја одобрија регистрацијата на Пау Виктор и Олмо и сега се премислија. Зошто? Дали тие направија лоша работа од почетокот кога ги дозволија трансакциите? Имам чувство дека ова не е случајно. Денеска играме против Атлетико Мадрид, продолжувањето на контроверзноста не може да биде случајност. Тоа е уште еден обид да се дестабилизира нашиот тим“, истакна Лапорта.
Leave a Reply