Никако да фати ритам: Ивановски загуби на стартот на турнирот во Кливленд

Македонскиот тенисер Калин Ивановски забележа разочарувачки настап на тенискиот турнир во Кливленд, кој започна синоќа.

Во првото коло, Ивановски беше убедливо поразен од петтиот носител, Американецот Брендон Холт, со резултат од 0-2 (1-6, 1-6).

Ивановски, кој поради подолга пауза моментално се наоѓа на 1.317. позиција на АТП листата, се соочува со предизвикот да ја врати некогашната форма.