Успешна акција на шампионот: Пелистер ги донираше плишаните играчки (Фото)

За време на полувремето од големото дерби меѓу Пелистер и Вардар, битолската публика уште еднаш ја покажа својата хуманост и солидарност.

Паркетот во спортската сала „Боро Чурлевски“ беше преполн со плишани играчки, кои љубителите на ракометот ги фрлаа кон теренот како дел од хуманитарна акција.

Овие плишани мечиња, собрани во духот на заедничката поддршка, ќе бидат донирани на деца во потреба, обезбедувајќи им мал знак на радост и љубов во празничниот период.