Македонската фудбалска репрезентација доби противници за квалификациите за Светското првенство 2026 година. На денешната ждрепка, одредено е Македонија да се натпреварува со селекциите на Белгија, Велс, Казахстан и Лихтенштајн.
Квалификациската група ветува интересни дуели, а за Македонија ова е можност да се наметне и да се бори за пласман на големиот турнир.
По ждрепката, селекторот на Казахстан, Станислав Черчесов, се огласи со свои први впечатоци. Тој призна дека нема многу информации за македонската репрезентација.
„Со Белгија веќе игравме во минатите квалификации, но тие сега имаат смена на генерации. Велс и Македонија одамна не сум ги следел и немаме доволно информации за нив. Истото важи и за Лихтенштајн, кој е од петтиот шешир. Сепак, секоја репрезентација ја почитуваме и ќе се подготвиме максимално сериозно,“ изјави Черчесов.
Leave a Reply