Борец по елиминацијата во купот го смени тренерот

По елиминацијата од Купот на Македонија, екипата на Борец од Велес се одлучи за смена на тренерот Љупчо Димитковски.

Велешкиот клуб објави дека двете страни спогодбено ја раскинале соработката.

„ФК Борец се заблагодарува на Димитковски за досегашниот ангажман и му посакува среќа“, објави Борец на социјалните мрежи.

Истовремено тие потврдија и дека нов тренер на второлигашот ќе биде Даниел Стојановски. Станува збор за млад и преспективен тренер кој во кариерата ги водеше Слога Виница, Велешта, ГФК Куманово, Воска Охрид, а и како помошник тренер во Пелистер.

Покрај поразот од Детонит во купот на Борец не му оди најдобро и во ВМФЛ каде што по три кола тимот е без бодови.